នារសៀលថ្ងៃសុក្រ ទី២៨ ខែតុលា ឆ្នាំ២០២២ ឯកឧត្តម ឡោក ឆាយ អគ្គលេខាធិការរងព្រឹទ្ធសភា បានអញ្ជើញជាអធិបតីភាពក្នុងពិធីបិទវគ្គបណ្តុះបណ្តាលស្តីពី វិធីសាស្ត្របង្កើតសូចនាករគន្លឹះវាស់វែងលទ្ធផលការងារ Key Performance Indicators (KPIs) នៅសាលសិក្ខាសាលាខាងជើង វិមានព្រឹទ្ធសភា។ វគ្គបណ្តុះបណ្តាលនេះ ឧទ្ទេសនាមដោយអ្នកស្រី យូ បូរី នាយកប្រតិបត្តិក្រុមហ៊ុនថែឡឺន អ៊ិចសឺឡិន ឌឺវេឡូបម៉ិច ផាតនើរ ដែលសិក្សារៀងរាល់ព្រឹក មានរយៈពេល៥ថ្ងៃ ចាប់ពីថ្ងៃទី២៤ ដល់ថ្ងៃទី២៨ ខែតុលា ឆ្នាំ២០២២ មានសិក្ខាកាមជាថ្នាក់ដឹកនាំមកពីគ្រប់អង្គភាពចំណុះអគ្គលេខាធិការដ្ឋានព្រឹទ្ធសភា ចូលរួមសរុបចំនួន៨០នាក់។ វគ្គបណ្តុះបណ្តាលនេះសិក្សាផ្តោតលើចំណុចសំខាន់ៗរួមមាន៖ ១.ការណែនាំ ស្តីពីការគ្រប់គ្រងសមិទ្ធផលការងារ ២.ឧបករណ៍នៃការគ្រប់គ្រង សមិទ្ធផលការងារ ៣.ដំណើរការនៃការគ្រប់គ្រង KPIs (ការបង្កើតKPIs និងSMART KPIs) ៤.ទំនាក់ទំនងរវាងKPI ជាមួយផែនការយុទ្ធសាស្ត្រ តាមរយៈ Balance Scored Card ៥.ធាតុសំខាន់ៗក្នុងការធ្វើឱ្យការបង្កើតKPIs ផ្សារភ្ជាប់ជាមួយយុទ្ធសាស្ត្រស្ថាប័ន ៦.ដំណើរការនៃការវាស់វែង និងការប្រមូលទិន្នន័យ ៧.ត្រួតពិនិត្យការគ្រប់គ្រងសមិទ្ធផលការងារ និងការធ្វើឱ្យលទ្ធផលKPIs កាន់តែមាន ភាពប្រសើរឡើងតាមរយៈការឆ្លុះបញ្ចាំងត្រឡប់ ៨.ការឆ្លុះបញ្ចាំងត្រឡប់នូវសមិទ្ធផលការងារ៕
ប្រភព៖ នាយកដ្ឋានព័ត៌មាន
